Robot@3DP Erasmus+ KA2 proiektuan ikastaroa

Robot@3DP Erasmus+ KA2 proiektuan ikastaroa

Pandemiak baldintzatuta, atzerrira ezin izan badugu bidaiatu ere; horrek ez digu mugatu, Robot@3DP proiektuaren plangintzarekin jarraitzeko. Oraingo honetan, gure 8 ikasleek aukera izan dute, 3D diseinua eta inprimaketa, Arduino eta FPGA eta Industria 4.0-aren inguruko ikastaro bat jasotzeko modu ez presentzialean. Denak ere puntako gaiak izan dira eta oso erabilgarriak etorkizun hurbilean. Lehiaketa bat ere jaso du ikastaroak, irabazlearentzat sari eta guzti! 

       

«Una mano STEAM solidaria» finalista I. STEAM Euskadi Sarietan

«Una mano STEAM solidaria» finalista I. STEAM Euskadi Sarietan

Pozik jakinarazten dugu sarien Batzorde Teknikoak –Eusko Jaurlaritzaren Hezkuntza Sailak, Bartzelonako Unibertsitate Autonomoko Centro de Recerca per a l’Educació Científica i Matemàtica (CRECIM) zentroak eta Innobasque Berrikuntzarako Euskal Agentziak osatutakoak– aurkeztutako 133 hautagai aztertu dituela eta 12 finalisten artean dagoela CIFP Don Bosco LHIIko Elektronika eta Telekomunikazioak sailak aurkezturiko «Una mano STEAM solidaria» ekimena.

Proiektuak STEAM Euskadi Zigilua jaso du, STEAM Euskadi Estrategiaren helburuetara bideratuta egoteagatik eta STEAM izaera edukitzeagatik lehenengo fasera igaro diren ekimenei ematen zaiena, hain zuzen. Lehenengo fasera igarotzeko irizpide minimoak hauek izan dira: bi puntuko gutxienekoa lortzea helburuen atalean eta bost puntuko gutxienekoa STEAM izaeran. Hurrengo ebaluazio-fasera igarotzeko, beharrezkoa izan da ebaluatutako alor guztietako puntuazioen batura maximoak izatea, hau da, helburuetan, STEAM izaeran, erabilitako metodologian, lortutako emaitzetan, izaera berritzailean eta ezarri beharreko hobekuntzetan.

STEAM Euskadi Estrategiako Adituen Batzordeko sei kidek osatutako epaimahai aditu batek ebaluatuko ditu ekimenak eta erabakiko ditu sariak uztailean zehar. Ebaluazioa egiteko, ekimenaren online defentsa bat egin beharko da (20 minutu, gehienez ere); bertan epaimahaiak proiektua hobeto ezagutzeko galderak egingo ditu.

STEAM hezkuntza sustatzen duen proiektu honi esker Euskadi lurralde berritzaileagoa izan dadin laguntzea dugu helburu.

                              

Póster de la oferta formativa 2020-2021 de #elektronikadonbosco

Póster de la oferta formativa 2020-2021 de #elektronikadonbosco

Electrónica y Telecomunicaciones, los cimientos de una sociedad tecnológica y digitalizada. Presente y futuro. Sin embargo, no son suficientes para garantizar un mundo sostenible, justo, solidario y feliz.

Elektronika eta Telekomunikazioak, mundu teknologiko eta digitalizatu baten oinarriak. Oraina eta etorkizuna. Baina ez dira nahikoak mundu jasangarri, justu, solidario eta zoriontsu bat bermatzeko.

Poster by Olatz Idigoras Lertxundi

 

 

«Lanbide Heziketako ahotsak» bideo-erreportaia

«Lanbide Heziketako ahotsak» bideo-erreportaia

Elektronika eta Telekomunikazioak saileko ikasle ohi, ikasle eta irakasleen bideo-erreportaia. #elektronikadonbosco proiektuko azken urteetako bizipenak, sentipenak eta esperientziak lehenengo pertsonan kontatzen dituen 10 minutuko elkarrizketa multzoa.

Video reportaje de 10 minutos llamado «Lanbide Heziketako ahotsak» (Voces de la FP). Exalumnos, alumnos y profesores del Departamento de Electrónica y telecomunicaciones cuentan sus vivencias, experiencias, recuerdos, sentimientos y opiniones en primera persona.

 

ToPollution

ToPollution

Proiektu honen bidez, hiriguneetako zarata-mailak eta airearen kutsadura etengabe neurtu nahi dira. Era berean, datu horiek kudeatu eta parametrizatu egingo dira esplizituki zeregin hauek egingo dituen Web orri batean. Webgune horrek hiriko kutsadura-egoeraren ikuspegi grafikoa emango digu. Horri esker, erabiltzaileak gailuaren kokapenean dagoen kutsaduraren berri izango du noiz nahi. Don Boscoko eta Zubiri Manteoko ikasleek aurrera eramandako diziplina anitzeko proiektua da. Lehenengoak datuak neurtu, prozesatu eta datu horiek hodeira eramateaz arduratzen dira, eta Zubiri Manteo taldekoek web orri funtzional eta praktiko bat egin dute.

Proiektuari buruzko informazioa GitHub-en.