STEAM jarduerak Don Bosco-ko Telekomunikazioak eta Elektronika alorgunean

STEAM jarduerak Don Bosco-ko Telekomunikazioak eta Elektronika alorgunean

Elektronika eta Telekomunikazioak alorgunean ikasturte honetako STEAM jarduerak antolatzen hasi gara. Aurtengoak ere DBH eta Batxilergoko ikasleei zuzenduta daude eta inguruko ikastetxeei zabaltzen da aukera.

Gure alorgunean egiten dituzten aktibitateei eskerrak elektrizitatea eta elektronika familiako gaiak lantzen dituzte maila guztietako ikasleek, berain interesekoak diren jardueren bitartez.

Jarduera hauetan besteak beste teknologiarekiko interesa pizten da, ikasteko esperientzia praktikoak ahalbidetzen dira eta pentsamendu kritikoa sustatzen da. Ondo pasa!!

Poloniako irakasleen bisita

Poloniako irakasleen bisita

Poloniako Wysokie Mazowieckie herrian kokatutako Lanbide Heziketako CKZ ikastetxeko 4 irakasle egon dira aste betez Don Bosco bisitatzen Erasmus+ bekei esker. Elektronika eta Telekomunikazioak alorgunea ere bisitatu dute. Gure alorgunean egon diren egunean gure metodologia nola gauzatzen dugun azaldu diegu. Horretaz gain gure instalazioak ikusi al izan dituzte.

Oso positiboki baloratu dute jasotako azalpenak eta ikasi duten guztia. Beraien ikastetxea bisitatzeko gonbidapena ere jaso genuen.

*****

Four teachers from CKZ VET School in Wysokie Mazowieckie, Poland, have been visiting Don Bosco for a week thanks to the Erasmus+ scholarships. They’ve also visited the Electronics and Telecommunications department . We’ve explained to them how we implement our methodology on the day they’ve been in our department. Besides that, they’ve seen our facilities.

The explanations received and everything they have learned have been highly appreciated. We even got an invitation to visit their school.

Jaizkibeleko telekomunikazio instalakuntzara bisita

Jaizkibeleko telekomunikazio instalakuntzara bisita

Aurtegoan ere telekomunikazio instalakuntza zikloko bigarren mailako ikasle eta irakasleak Itelazpik Jaizkibeleko mendi gainean dituen telekomunikazio-azpiegitura publikoak gertutik ezagutzera joan gara. 

Ikastetxetik egunerokoan urrunetik ikusten ditugun antenak gertutik ezagutzeko parada izan dugu. Eskerrak eman nahi dizkiegu Itelazpiko arduradunei bertako ateak ireki eta EITBren irrati eta telebista seinalea eskualdean igorri ahal izateko atzetik dagoen prozesu konplexua horren ondo azaltzeagatik. Esperientzia bikaina izan da!

 

Eskualdeko enpresetara bisitak

Eskualdeko enpresetara bisitak

Ikasturte amaiera borobiltzeko eskualdean dauden hainbat enpresa bisitatu dira Telekomunikazio (IT2) eta Mantentze lan elektroniko-ko (ME3) ikasleekin. Hala nola, IDM ( Ingeniería y desarrollo de Máquinas, S.L.), IDK elektronika, eta Papresa. Eskerrak eman enpresa hauei guztiei beren ateak ireki eta ikasleei etorkizunean bete ditzazketen lan postuak erakusteagatik. Esperientzia polita izan da ikasleak enpresetara hurbiltzeko eta Don Bosco LHII-kin elkar lanean diharduten enpresak barrutik ezagutzeko.

IDM materialak (batez ere papera eta kartoia) test-eatzeko enpresa bat da, bertan diseinatu, programatu eta muntatutako makinak gertutik ezagutu ahal izan ziren. IDK Elektronika PCB-en muntaian espezializatutako enpresa da eta azkenik Papresa papergintza-ra zuzendutako lantokia.

 

Eusko Skills 2023 Elektronika

Eusko Skills 2023 Elektronika

Maiatzaren 9 eta 11 artean  ospatu zen 2022-ko Eusko Skills ekitaldia Irungo Ficoba-n. Lanbide heziketako olinpiada hauetan Elektronika-ko Skill-en antolakuntza Don Bosco LHII ikastetxeko elektronika eta telekomunikazio sailekoena izan zen. Bertan Armeria Eskola-ko eta La Salle Berrozpe-ko ikasleek ere hartu zuten parte Don Bosco-koez gain. Lehenego egunean elkar ezagutu zuten eta hurrengo bi egunetan elektronikaren inguruko hainbat proba egin zituzten; soldaketa, diseinua, programazioa. Spain Skills 2024 ekitaldirako gonbidapena zen proba hauetan erakutsitako trebetasunak ematen zuen saria. Txapelketaz haratago, lehiakideentzako bertan ikusi, ikasi eta bizitakoa izango da euren saririk onena.

Azkenean La Salle-ko Adrian Herrera-ek lortu zuen urrezko domina, Don Bosco-ko Ander Esteban (zilarrezko domina) eta La Salle-ko  Nazar Dovhopolov-ek (brontzezko domina) lagundu zioten podium-a osatzen.